Ich steckä etz scho seit mä Monät hiä ds Basel fescht, Vo eim Tag uf dr ander hets gheissä, dass mich ä heftigi Abwehrreaktion vom Darm heimsüächt. Kei Ahnig wiä lang das nu gaht. Wochä, Monate, alles unbekannt. Vo hit uf morä bini wieder hiä ds Basel glandät.
Diä Zyt wo ich bis etz hiä gsi bi, isch diä bis etz die schlimmscht Zyt i mim läbä gsi. Nu niä hanich mich körperlich so schwach und Kraftlos gfühlt.
Mehrere Tage hani nid chennä essä oder Trinkä. Min 6x im Tag Durchfall, wo eifach kei Kraft meh ubrig blibt. Chüm meh chennä sälber ds Duschä, vom Bett ids Bad isch alles was mängisch nu gangä isch.
Mit de Medikament sind d Ärzt am Anschlag, mi Körper müäss etz alei wiiterkämpfä, aber wiä?
Nach den ganzä Jahr! Ich weiss ich mängisch nid, ob und wiä ich das ai nu sell überstah. Das gaht doch eifach nid.
ICH WEISS, MÄ SETT SICH DIÄ FRAG NID STELLÄ, ABER WISO??? ÄS ISCH DOCH EIFACH ZVIEL, ICH MAG EIFACH NIMMÄ, SYSTEM OVERLOAD.
ÄS ISCH DOCH ZVIEL, ZVIEL FIR MICH, ZVIEL FIR DICH MI SCHATZ, ÄS ISCH ZVIEL FIR D KIDS, KEINÄ WEISS WAS NU WITER UF YYS ZUÄCHUNNT. WE LANG GAHTS NU, WENN CHANICH WIEDER HEI ZU YYCH, WORALLEM WIÄ.
ISCH NACHER SCHLUSS, CHEMMER VILICHT MAL ÄS EINIGERMASSÄ RUHIGES LÄBÄ FIÄRÄ, WENN JA, WE LANG?
DAS GANZE 2018 ISCH DOCH SCHO ZVIEL GSI. SOVIEL CHEMO, TRANSPLANTATION, UND ETZ ZUM ABSCHLUSS NU DIE SCH... GvHD.
MINI KRÄFT SIND OFT AM ENDI.
ICH WEISS ÄS NID, NIÄMMER WEISS ÄS. ICH WEISS NUR EIS. WENN MEHR DAS WEND SCHAFFÄ, DE SCHAFFÄMER DAS ZÄMÄ, DÜ, MI SCHATZ, ICH UND YYSERI TOLLÄ KIDS. MIÄR HEBÄT ZÄMÄ UND ICH LIÄBÄ YYCH UBER ALLÄS. ABER HIÄ DS BASEL, OHNI YYCH, KEI AHNIG WE LANG, ISCH EIFACH HEFTIG.
ICH WEISS NID WES NU WIITER GAHT
UND EGAL OB US DEM MARATHON Ä IRON MAN DRÜS WIRD, ODER WAS AI IMMER, MIÄR SCHAFFÄD DAS.
ICH LIÄBÄ YYCH
LIÄBI KIDS, JEDÄS MAL, WENN ICH A YCH DÄNKÄ, FALLTS MIÄR NU SCHWERER, HIÄ I DEM GFÄNGNIGS FEST Z HOCKÄ. IÄR SIND DIÄ TOLLSCHSCHTÄ KIDS UND ÄS BRICHT MEHR JEDES MAL DS HÄRZ, YYCH NUR IM SKYPE DERFÄ DS GSEE.
